మహిళలను ఎవరు మార్చాలి....?

మహిళలను ఎవరు మార్చాలి....?
   సమాజంలో అందరూ సమానమేనని ప్రజాస్వామ్యం చెపుతుంటే మాకు సనాతన ధర్మంలో బానిసత్వమే అద్భుతంగా ఉందన్న సోయి లో మహిళ లోకం ఉంది...!
   కొంత మంది మహిలు జై శ్రీరామ్,మరి కొంతమంది మహిళలు ఆమెన్ అని,మరి కొందరు హే హల్లా అని వారు కూర్చొన్న చోటునే సమాధిగా మార్చుకొంటున్నారు...!
   రామాయణంలో రాముడు తన భార్య సీతను అభరణ్యాలకు పంపిన రాముడు మహిళా లోకానికి ఆదర్శమని ప్రకటించడాన్ని ఎలా అర్థం చేసుకోవాలో తెలియని పరిస్థితి....!
   మహిళ సాధికారత కు ఏడు దశాబ్దాలుగా దూరంగా నెట్టివేయబడ్డ ధర్మం మహిళకు ఎలా పవిత్రమైనదో వారికే తెలియాలి...!
   మహిళలు చదువుకోవాలని ఒక మహాఉద్యమమే చేసి మహిళలకు అక్షర జ్ఞానాన్ని అందించిన సావిత్రి బాయి స్ఫూర్తి మహిళ లోకంలో ఇంకెప్పుడొస్తుది.
   మహిళా సాధికారత కోసం, మహిళకు సమాన అవకాశాలు ఇవ్వకపోతే ఈ పార్లమెంట్ లో నేను మంత్రిగా కొనసాగలేనని రాజీనామా చేసిన అంబెడ్కర్ ఆలోచనలు మహిళలు ఇంకెప్పుడు మహిళలు ఒంటబట్టించుకొంటారు.
   కులంతో అవమానాలు అనుభవిస్తున్న మహిళలే జై శ్రీరామ్ ఉద్యమానికి నాయకత్వం వహిస్తున్నారంటే ప్రజాస్వామ్య నాశనాన్ని మహిళాలోకం కోరుకోవడం కాక మరేమౌతుందో పార్లమంటులో పాలన కొనసాగిస్తున్న మహిళ ప్రజాప్రతినిధులు చెప్పాలి.
   సనాతన ధర్మం ప్రకారం మహిళలకు పాలించే అధికారం,చదువుకునే అధికారం ఆభరణాలు ధరించే అధికారం లేదు మరీ ఈ అవకాశాలు మహిళకు ఎవరిచ్చారన్నా ఇంకిత జ్ఞానం లేకపోతే ఎవరు మార్చాలి వీళ్ళను...!
   ఇంకా ఎంతమంది మహిళ సాధికారత కోసం చావాలి సనాతన ధర్మం ప్రకారం అంటరానితనంతో జీవిస్తున్నా వారిని హత్యలు, మానభంగాలు, చేసినా ధర్మం ప్రకారం తప్పులేదని సనాతన ధర్మం చెప్పుతుంది కానీ మహిళను కొట్టినా, కానీ మాటలు తిట్టినా హత్యాచారం చేసిన ఇంకే విందంగా వేధించిన చట్టప్రకారం శిక్షలు వేయాలని రాజ్యాంగం చెప్పుతుంది.
   దేశ ప్రజలకు ఏవిధమైన ఇబ్బందులున్న కంచె నాటినట్లు చట్టం పనిచేస్తూ అడమగా అందరిని సమన్యాయం చేస్తున్నా రాజ్యాంగాన్ని విచిన్నం చేస్తున్న విచిన్నకారులకు మహిళాలోకం దన్నుగా ఉన్నారంటే చదువుకున్నా, చదువుకొని వారిలో అజ్ఞానం ఏస్థాయిలో ఉందొ అర్ధం చేసుకోవాలి.
   ప్రపంచదేశాల్లో అనేక వాణిజ్య కంపెనీలకు సి ఈ ఓ లుగా పనిచేస్తున్న మహిళకు ధర్మం ప్రకారం కాకుండా జ్ఞానం ప్రకారమే ఉపాధి దొరుకుతుందన్నా విషయం మహిళాలోకం మారువరాదు.

******************************

బండి మొగిలి,

న్యాయవాది,

వరంగల్,

9989602566.