ఉన్నత చదువులు చదివి ఏమి లాభం, నాకు ఉద్యోగం లేదు.....?

ఉన్నత చదువులు చదివి ఏమి లాభం...?
ఉద్యోగం లేదు...!ఉపాదిలేదు...! యవ్వనం లో ఉన్న యువతకు అవకాశాలు కల్పించడంలో అన్ని ప్రభుత్వాలు వైఫల్యమే...!
ఎన్నికల సమయంలో ప్రచారం, ఓట్లు ఎపించుకొని,బీరు,బిర్యానీ, చేతిలో ఐదొందలు పెట్టి చేతులు దులుపుకొంటున్న రాజకీయ నేతలకు ఓట్ల తర్వాత యువతతోపనేముంది....!
అగ్ర నాయకత్వం వచ్చినప్పుడు మీటింగ్ ఏర్పాట్లు చెయడం కోసం వీరి అవసరం ఉంటది అంతే...కానీ కాయకష్టం చేసి పెంచిన తల్లు తండ్రుల ఆశయాలు,పిల్లల భవిష్యత్ గురించి ఎవ్వరికి పట్టని స్థితిలో యువతరం ఉంది...!
ఒక తరగతి తర్వాత మరో తరగతి...
   ఒక కోర్సు తర్వాత మరో కోర్స్...
డబ్బులు ఖర్చు పెట్టి అప్పుల పాలయ్యామని, చదువుకున్నా ఫలితం లేదని భావిస్తున్న యువత ఆత్మహత్య చేసుకోవడమే కరెక్ట్ అనే నిర్ణయానికొస్తున్నారు...!
నాకు ఉద్యోగం లేదు...
నావల్ల ఎవరికి ఉపయోగం లేదని సిరిసిల్ల యువకుడు నవీన్ సూసైడ్ లెటర్ రాసుకొని ఉరికంభం ఎక్కాడు...!
   బంగారు తెలంగాణ లో చదువుకున్నా యువకులకు నోటిఫికేషన్లు లేవు...
కళ్ళల్లో ఒత్తులేసుకొని చూడగా ప్రభుత్వం మూడు నోటిఫికేషన్లు వేసి యువకుల్లో ఆశలు రేకెత్తించింది...!
దాంతో యువకులు అప్పులు చేసి కోచింగ్ తీసుకొని పరీక్షలకు సిద్ధమైతే, పాలకులు వారి బంధువుల కోసం పేపర్ లీక్ చేసి యావత్తు తెలంగాణ యువకుల ఆశలన్నింటిని కల్లలు చేసి నువ్వంటే, నువ్వని బిఆర్ఎస్, బిజెపి పార్టీలు అల్లర్లకు దిగి రోడ్డుకెక్కరే...
కానీ లక్షలకు, లక్షలు కోచింగ్ కోసం ఖర్చు పెట్టుకొన్నా యువత యొక్క భవిష్యత్ గురించి ఆలోచన చేసే వారే లేరు...!
మా పార్టీ అధికారంలోకి వస్తే స్వర్ణ యుగం వస్తదని చెపుతున్న బీజేపీ పార్టీ వారు అధికారంలో ఉన్నా రాష్ట్రములో ఎందుకు యువతకు ఉద్యోగాలు కల్పించడం లేదో చెప్పగలరా...?
   ఉజ్వల భవిష్యత్ ఉన్న యువతకు కళ్ళముందు ఎడారి వాతావరణమే కనపడుతుంది. కానీ భవిష్యత్ కనపడక పొవడంతో ఐ ఆమ్ జాబ్ లెస్, మావల్ల ఎవ్వరికి ఉపయోగం లేదు.. తల్లిదండ్రులు చేసిన అప్పులు కట్టలేక, భవిష్యత్ లేదని డిసైడ్ అవుతున్న యువతకు మార్గం చూపాల్సిందెవరు ....?

******************************

బండి మొగిలి,

న్యాయవాది,

వరంగల్,

9989602566.